छत्रपति श्रीशिवाजी महाराजांची आरती

• जयदेव जयदेव जय जय शिवराया
  या या अनन्यशरणा आर्यां ताराया ।।ध्रु।।

---

• आर्यांच्या देशावरि म्लेंच्छांचा घाला
  आला आला सावध हो शिवभूपाला !
  सद्गदिता भुमाता दे तुज हांकेला
  करूणारव भेदुनि तव हृदय न कां गेला ?।।१।।

---

• श्रीजगदंबा जीस्तव शुंभादिक भक्षी
  दशमुख मर्दुनि जी श्रीरघुवर संरक्षी
  ती पूता भुमाता म्लेंच्छांहीं छळता
  तुजविण तिज शिवराया कोण दुजा त्राता ?।।२।।

---

• त्रस्त आम्ही दीन आम्ही शरण तुला आलों
  परवशतेच्या पाशी मरणोन्मुख झालों
  साधु परित्राणाया दुष्कृती नाशाया
  भगवन् भगवद्गीता सार्थ कराया या ।।३।।

---

• ऐकुनियां आर्यांचा धावा महिवरला
  करूणोक्तें स्वर्गीं श्रीशिवनृप गहिंवरला
  देशास्तव शिवनेरीं घेई देहाला
  देशास्तव रायगडीं ठेवी देहाला ।।४।।

---

• ।। बोला तत्श्रीमत्षिवनृप की जय बोला ।।

---

स्वातंत्र्यवीर विनायक दामोदर सावरकर

(सन १९०२ रोजी, फर्ग्युसन कॉलेजातील आर्यन संघात दर आठवड्याला
सर्व विद्यार्थ्यांनी भोजनसंघात म्हणण्यासाठी हि आरती सावरकरांनी रचली)

---

🏰 श्री शिवप्रतिष्ठान, हिन्दुस्थान 🏰
🚩 गुरुवर्य श्री संभाजीराव भिडे गुरुजी
      ।। जय भवानी जय शिवराय ।।

📞 Share | Forward | Follow 👇